Gürcüstan hökuməti fermer kooperativlərini dəstəkləmək üçün yeni proqrama başlayır. “Vestnik Kavkaza” portalı xəbər verir ki, bunu Gürcüstanın kənd təsərrüfatı naziri Otar Şamuqiya hökumətin iclasından sonra keçirilən brifinqdə deyib.
Sputnik Gürcüstan xəbər verir ki, departament rəhbərinin sözlərinə görə, ölkənin özünütəminat səviyyəsinin yüksəldilməsi üçün kənd təsərrüfatı istehsalının artımına dəstək vermək vacibdir.
Şamqaliyə vurğulayıb ki, tərəvəz anbarlarının yaradılması üçün maliyyənin 80%-ə qədərini hakimiyyət öz üzərinə götürəcək. O izah edib ki, tərəvəzçiliklə məşğul olan fermerlər birləşə, kooperativ yarada biləcək və proqramın tələbləri yerinə yetirilərsə, layihənin ümumi dəyərinin maksimum 80%-i həcmində dövlətdən qrant alacaqlar.
Söhbət 500 ton tutumu olan tərəvəz və kartof anbarlarının tikintisi üzrə layihələrin birgə maliyyələşdirilməsindən gedir.