Qazaxıstan Respublikasının Xarici Ticarət Siyasəti və Beynəlxalq İqtisadi Təşkilatlarda İştirak üzrə İdarələrarası Komissiyası ölkədən kartof və yerkökü ixracına 3 ay müddətinə tam qadağanın tətbiqinin təsdiq edilməsi barədə qərar qəbul edib.
Bu il yığılan kartof və kök məhsulu daxili istehlak və ixrac potensialını saxlamaq üçün kifayət qədərdir. Qonşu ölkələrdə nisbətən aşağı məhsul müşahidə olunur ki, bu da tələbatın artmasına və daxili bazarda qiymətlərə əlavə təzyiqə səbəb olur. Qazaxıstan Respublikası ərazisindən kartof və yerkökü ixracına qadağanın təsdiq edilməsi barədə qərar daxili bazarda kəsirin yaranmasının aradan qaldırılması və qiymətlərin sabitləşdirilməsi məqsədilə qəbul edilib.
Məhdudiyyətlər dekabrın sonunda qüvvəyə minəcək. Ay ərzində ölkənin Kənd Təsərrüfatı Nazirliyi tərəfindən gündəlik monitorinq və bazar təhlili aparılacaq. Vəziyyət sabitləşəndə məhdudlaşdırıcı tədbirlərin aradan qaldırılması məsələsinə baxılacaq.