UFA.RBC portalı xəbər verir ki, Başqırdıstanın Birski rayonunda taxıl və tərəvəz bitkilərinin becərilməsi, emalı və saxlanması üçün müasir kompleks yarana bilər. Respublika başçısının keçirdiyi növbəti “İnvestisiya saatı”nda digərləri ilə yanaşı belə bir layihəyə də baxılıb.
Söhbət tərəvəz anbarının, taxıl qurutma kompleksinin, suvarma sistemlərinin, kənd təsərrüfatı texnikasına texniki qulluq və təmir üzrə xidmət mərkəzinin tikintisindən, həmçinin texnoloji avadanlıqların və inventarların alınmasından gedir. Layihənin investisiya axını 2028-ci ilə qədər mərhələli şəkildə 2,1 milyard rubl investisiyanı nəzərdə tutur. Bu, 120-dən çox yeni iş yerinin yaradılmasına imkan verəcək.
Layihəyə dəstək tədbiri olaraq Başqırdıstanın İnvestisiya Komitəsi suvarma sisteminin və emal komplekslərinin tikintisinə, eləcə də mühəndis infrastrukturunun yaradılmasına subsidiya ayrılmasını təsdiqləyib.