Qazaxıstanın Jetısu vilayətində kartof məhsullarının istehsalı üzrə yeni müəssisənin tikintisi layihəsinə baxılır. Bu barədə kənd təsərrüfatı nazirinin müavini Əbülxair Tamabekin rayona işgüzar səfəri və xarici investorlarla görüşü zamanı məlum olub. Sputnik Qazaxıstan internet portalı.
Kənd Təsərrüfatı Nazirliyindən verilən məlumata görə, vitse-nazir Niderlandın “Farm Frites” şirkətinin nümayəndələri ilə birlikdə sənaye zonasında əlverişli infrastrukturun mövcud olduğu və yeni qida istehsalı müəssisəsinin tikintisinin mümkün olduğu sahəyə baxış keçirib.
"Layihə uğurla icra olunarsa, regionun daha çox xammal istehsalçısına ehtiyacı olacaq və bununla əlaqədar 10 min hektar sahədə kartof yetişdirilməsi üçün əlavə təsərrüfat layihəsinin həyata keçirilməsi planlaşdırılır", - nazirlikdən bildirilib.
İnvestor haqqında
Farm Frites 1971-ci ildə Hollandiyada ailə biznesi kimi yaradılıb. Beş ildən artıqdır ki, şirkət Qazaxıstan Respublikasının müxtəlif regionlarında kartof (o cümlədən toxumluq kartof) yetişdirir.
Farm Frites dünyanın dördüncü ən böyük kartof qızartması istehsalçısıdır və McDonalds, KFC və digər fast food restoranlarının əsas beynəlxalq təchizatçılarından biridir.