Rusiyanın Hidrometeorologiya Mərkəzinin elmi direktoru Roman Vilfand “İnterfaks”a müsahibəsində bildirib ki, 2019-cu ildə Rusiyada taxıl yığımı ötən ilki səviyyədən çox olacaq.
“İndi məhsuldar rütubəti, yəni torpağın rütubətini, havaların mülayim istiləşməsini nəzərə alaraq hesab edirik ki, ümumilikdə payızlıq və yazlıq bitkilərin məhsuldarlığının ötən illə müqayisədə yüksək olacağı ehtimalı artıb”, - ekspert qeyd edib.
Onun sözlərinə görə, bu gün dənli bitkilərin ümumi məhsulunda payı əlli faizə yaxın olan payızlıq bitkilər haqqında daha inamla danışmaq olar.
Bununla belə, R.Vilfand daha konkret proqnozlar verməkdən imtina edib: “Ümumi məhsul proqnozu adətən iyunun ortalarına təsadüf edir, o zaman quraqlığın olub-olmayacağını proqnozlaşdırmaq olar. Qış bitkiləri üçün quraqlıq artıq problem deyil, çünki yazdan bəri kifayət qədər nəm var. Amma yazlıq bitkilər üçün hələ tam aydın deyil...”
Mənbə: http://agroobzor.ru