Rusiya hökuməti öz ehtiyat fondundan fermerlərin güzəştli kreditləşməsinə 45 milyard rubl ayıracaq. Nazirlər Kabinetinin mətbuat xidməti 2023-cü ildə maliyyələşdirmənin artırılmasının Rusiya Bankının əsas faiz dərəcəsinin artması ilə əlaqədar tələb olunduğunu açıqlayıb.
Kənd təsərrüfatı məhsullarının istehsalı və emalı üçün kənd təsərrüfatı müəssisələrinə verilən kreditlərin subsidiyalaşdırılmasına əlavə vəsaitin yönəldiləcəyi gözlənilir. Dövlətin ayırdığı məbləğlə 40 mindən çox kreditin subsidiyalaşdırılması nəzərdə tutulur.
Rusiya fermerləri üçün güzəştli kredit proqramı 2017-ci ildə fəaliyyətə başlayıb. Onun çərçivəsində kənd təsərrüfatı məhsulları istehsalçıları qısamüddətli və investisiya kreditləri də daxil olmaqla, 5%-ə qədər olan borc vəsaitlərindən istifadə edə bilərlər.
Krasnoyarsk diyarının fermerləri kartof və tərəvəz istehsalına görə 51 milyon rubldan çox pul alacaqlar.
Bölgənin kənd təsərrüfatı istehsalçıları dövlət dəstəyi ilə elitar toxumçuluq xərclərinin bir hissəsini ödəyə, kartof və açıq tərəvəz istehsalının həcmini artıra biləcəklər...