EastFruit layihəsinin analitiklərinin fikrincə, Rusiyanın ağ kələm bazarında bu həftə qiymətlərdə enmə müşahidə olunub.
Satışlar hətta son bir neçə həftə ərzində soyuq keçən bölgələrdə də çox aşağı səviyyədə qalır, buna görə də digər “borş dəsti” tərəvəzlərinə tələbat bir qədər güclənib.
Mövcud bazar şəraitində rus fermerləri xərclərin yenidən geri qaytarıla bilməyəcəyindən ehtiyat edərək uzunmüddətli saxlama üçün kələm saxlamaqdan kütləvi şəkildə imtina edirlər.
Odur ki, topdansatış şirkətlərinin alıcılıq fəallığının nisbətən aşağı olması fonunda bazarda çoxlu kələm təklifi hazırda qiymətlərə ciddi təzyiq yaradır. Bu gün Rusiyanın bir çox təsərrüfatları böyük topdansatışda kələmi 7-13 rubl/kq (0,11-0,21 dollar/kq) qiymətə göndərməyə hazırdır ki, bu da ötən iş həftəsinin sonuna nisbətən orta hesabla 12% ucuzdur.
Bazar operatorları belə qiymətləri cari mövsümdə Rusiyada bu məhsulların istehsalının əhəmiyyətli dərəcədə artması ilə izah edirlər. Eyni zamanda, kələm satışının tempi çox aşağı olaraq qalır ki, bu da bazarı rahatlamağa imkan vermir.
Qeyd edək ki, bu gün rusiyalı fermerlər ağ kələmi bir il əvvəlkindən orta hesabla 1,5 dəfə ucuz satmağa məcburdurlar. Müqayisə üçün: keçən ilin eyni dövründə Rusiya Federasiyasında ağ kələmin qiyməti çox vaxt 26 rubl/kq (0,41 dollar/kq) təşkil edirdi.