Tacikistan prezidenti Emoməli Rəhmon parlamentə müraciətində bir daha ölkə əhalisini ərzaq ehtiyatı saxlamağa çağırıb. “2020-ci ildə koronavirus pandemiyası səbəbindən nə baş verdiyinə baxın. Bütün dünya böhranla üz-üzədir. İnkişaf etmiş ölkələr sərhədlərini bağlamağa başlayıblar, amma düşünün ki, biz daha çox idxaldan, o cümlədən ərzaq məhsullarından asılı olduğumuz halda, ərzaq məhsullarının ixracı və idxalı dayansa, nə baş verəcək”, - deyə dövlət başçısı bildirib. “Bazarları tərəvəz-meyvə, heyvandarlıq məhsulları və digər ərzaq növləri ilə təmin edən fermerlərimizi daha da əzmlə işləməyə, əhalini isə hər bir torpaq parçasından rasional və səmərəli istifadə etməyə çağırıram”, - Emoməli Rəhmon vurğulayıb. Kənd işçilərinin yükünü yüngülləşdirmək üçün prezident 2021-ci ildə tacik fermerlərinin məbləği təxminən 200 milyon somoni olan vahid torpaq vergisini ödəməkdən azad ediləcəyini açıqlayıb. Bu məbləğin ödənilməsi üçün əlavə maliyyə mənbələrinin axtarılması aidiyyəti idarələrə tapşırılıb.
Sverdlovsk vilayəti Tacikistanda meyvə-tərəvəz saxlama mərkəzi tikməyi planlaşdırır
Rusiya regionu Mərkəzi Asiyada investisiya layihələrinin həyata keçirilməsində iştirak imkanlarını nəzərdən keçirir. Tacikistan Respublikasının Baş Konsulluğundan (RT) verilən məlumata görə,...