Kimi agentliyi ReutersAlmaniyada, koronavirus böhranı zamanı azalmış kartof və kartof məhsullarına tələbat, istehsalın böyük həcmləri heyvan yemi və ya bioqaz istehsalı üçün istifadə olunur.
Almaniyanın Meyvə-Tərəvəz və Kartof Emalı Sənayesi Assosiasiyasının (BOGK) məlumatına görə, dondurulmuş, soyudulmuş və qurudulmuş kartof məhsullarının “satışında fəlakətli azalma” baş vermişdir.
Xatırladaq ki, Almaniya Avropa Birliyində ən böyük kartof istehsalçısıdır və bu məhsulun əsas istehlakçılarından biridir.
BOGK icraçı direktoru Horst-Peter Karos, "Emal üçün nəzərdə tutulmuş bir neçə yüz min ton kartof istifadə edilmədi" dedi. "Dəyərli ərzaq məhsulları heyvan yeminə, bioqaz istehsalına və ya başqa yollarla atılır. Bu da milyonlarla avro ilə ölçülən sənayedə itkilərə səbəb olur."
Karos Almaniyanın kartof emalı sənayesinin hökumətin köməyinə ehtiyacı olduğunu vurğuladı və bu yardımın iqtisadi bərpa proqramı çərçivəsində veriləcəyinə ümid etdiyini bildirdi.