Rusiya Prezidenti Vladimir Putin, əcnəbilərin və vətəndaşlığı olmayan şəxslərin Rusiyadan çıxarılmasına qoyulan qadağanı 30 sentyabr tarixinədək uzadıb. Müvafiq fərman Kremlin saytında dərc edilmişdir.
Sənədə əsasən, “Rusiya Federasiyası ərazisindəki xarici vətəndaşlar və vətəndaşlığı olmayan şəxslərlə əlaqəli olaraq, 30 sentyabr 2021-ci il tarixinədək” readmissiya müqavilələrinə əsasən məcburi şəkildə qovulma, deportasiya və ya başqa bir dövlətə köçürülmə barədə qərar qəbul edilmir. Moratorium həbsxanadan çıxan və ya Rusiyanın milli təhlükəsizliyinə təhlükə yaradan xaricilərə şamil edilmir.
Xatırladaq ki, bu güzəştlərin əvvəlki müddəti 15 iyun tarixində başa çatmışdı.