Rusiya Federasiyasının Elm və Ali Təhsil Nazirliyi “Elm və Universitetlər” milli layihəsi çərçivəsində artıq açılmış 30-yə yaxın laboratoriyaya əlavə olaraq bu il kənd təsərrüfatı elmləri sahəsində 150 yeni laboratoriya açmağı planlaşdırır. Bu barədə martın 3-də Rusiya Federasiyasının elm və ali təhsil nazirinin müavini Dmitri Pışnı “Kənd təsərrüfatında biotexnologiyalar: Aİİ məkanında milli prioritetlər və əməkdaşlıq” adlı aqrar-sənaye forumunda məlumat verib.
“Elm və Universitetlər” milli layihəsi çərçivəsində 2022-ci ilə kimi kənd təsərrüfatı elminin tamamilə fərqli istiqamətləri, o cümlədən biotexnologiya sahəsində 150-yə yaxın yeni elmi laboratoriya yaradılıb. Bu, 1-ə yaxın gənc işçinin işlə təmin olunmasına imkan yaradıb. <…> Bu il daha 500 yeni laboratoriya açılacaq”, - Pışnı bildirib.
Nazir müavininin qeyd etdiyi kimi, kənd təsərrüfatı elmi müəssisələrinin cihaz bazasının yenilənməsi üçün təxminən 3,8 milyard rubl ayrılıb.
Pışnı həmçinin bildirib ki, ölkənin kənd təsərrüfatı sahəsində hələ də bir neçə on minlərlə yüksək ixtisaslı mütəxəssisə ehtiyacı var. Nazir müavininin sözlərinə görə, aqrar təhsil sistemində “aparıcı elmi mərkəzlər bazasında damazlıq mərkəzlərin işçilərinin yenidən hazırlanmasına başlayıblar”, mövzulara və ixtisaslaşdırılmış fənlərə əsasən yenidən baxılıb.
Nazir müavini ümidvar olduğunu bildirib ki, görülən tədbirlər yaradılan sort və hibridlərin çeşidinin genişləndirilməsinə, yerli bitkiçilik materiallarının rəqabət qabiliyyətinin artırılmasına və idxaldan asılılığın azaldılmasına və yerli aqrar-sənaye kompleksinin yüksək keyfiyyətli toxum və əkin materialları ilə daha yaxşı təmin olunmasına şərait yaradacaq.