Berlində keçirilən “Yaşıl Həftə 2018” beynəlxalq kənd təsərrüfatı sərgi-yarmarkası çərçivəsində Rosselxoznadzorun Almaniya Seleksiyaçılar və Toxum Kartof İstehsalçıları İttifaqı ilə görüşü baş tutub. Dialoqun əsas mövzusu Almaniyadan Rusiyaya çatdırılması nəzərdə tutulan toxumluq kartof partiyalarının daşınmazdan əvvəl yoxlanılmasının nəticələrinin müzakirəsi olub.
Bu mənada Rusiya tərəfi alman həmkarlarının diqqətini Rusiyaya tədarük edilərkən fitosanitar tələblərə əməl olunmasının və toxumluq kartofun keyfiyyətinin yaxşılaşdırılmasının vacibliyinə yönəldib. Buna səbəb tədarük olunan toxum materialında karantinə aid olmayan orqanizmlərin dəfələrlə aşkarlanması, həmçinin Almaniyadan Rusiyaya əkin materialının tədarükü ilə bağlı məhdudiyyətlər olub.
Rusiyaya tədarük olunan toxum materialının izlənməsini təmin etmək üçün Rusiya tərəfi Almaniya tərəfinin Rusiyaya tədarük olunacağı gözlənilən məhsulların həcmini və Rusiyada toxum materialı alıcılarını dəqiqləşdirməli olduğunu bildirib.
Alman həmkarları təklif etdilər ki, Rosselxoznadzor mütəxəssisləri mövcud istehsal və fitosanitar nəzarət sistemi ilə tanış olmaq üçün Almaniyaya səfər etməyi düşünsünlər.
Tərəflər danışıqlardan məmnun olduqlarını bildiriblər və maraq doğuran bütün məsələlərin mütəxəssislər səviyyəsində nəzərdən keçirilməsini davam etdirmək barədə razılığa gəliblər.