Regional fövqəladə vəziyyət rejiminin tətbiqi haqqında fərmanı vilayət qubernatoru Denis Pasler imzalayıb. Sənəddə qeyd edildiyi kimi, fövqəladə vəziyyət əlverişsiz hava şəraiti ilə əlaqədar yaranıb.
Orenburq vilayətində anomal istilər, güclü küləklər və güclü yağışlar artıq təxminən 400 min hektar sahədə kənd təsərrüfatı məhsullarının tələf olmasına səbəb olub.
Sentyabrın 29-dan etibarən Mednoqorsk, Novotroitsk, Orsk, Qayski, Kuvandikski və Yasnenski şəhər rayonlarında, həmçinin vilayətin Adamovski, Dombarovski, Kvarkenski, Novoorski və Svetlinski rayonlarında fövqəladə vəziyyət elan edilib.
Rusiyanın cənubunda quraqlıq təhlükəsi qalmaqdadır
Cənubi və Şimali Qafqaz Federal Dairələrində torpağın üst qatının rütubətinin azalması müşahidə olunur. Bu barədə Rusiya Hidrometeorologiya Mərkəzinin aqrometeoroloji icmalında məlumat verilib.