Rusiya Kənd Təsərrüfatı Nazirliyinin mətbuat xidməti xəbər verir ki, bu barədə jurnalistlərə qubernator Veniamin Kondratiyev bildirib.
“Mən vaxtında görülən bu tədbirə görə Rusiya hökumətinə minnətdaram. Krasnodar diyarı Rusiyanın əsas kənd təsərrüfatı bölgələrindən biridir. Ölkə üzrə meyvə və giləmeyvə istehsalının təxminən yarısını, düyünün 70%-dən çoxunu istehsal edirik. Bütün üzüm sahələrinin təxminən üçdə biri Kubanda yerləşir. Ammonium nitratın ixracına qoyulan qadağa mineral gübrələrin bahalaşmasının qarşısını alacaq, fermerlərə əkin kampaniyası aparmağa imkan verəcək ki, bu da 2022-ci ildə yüksək məhsul əldə etmək deməkdir”, - Veniamin Kondratyev bildirib.
Rusiyada ammonium nitratın ixracına fevralın 2-dən iki ay müddətinə qadağa qoyulub. Hazırda fermerlər əkin kampaniyasına hazırlaşdıqları üçün daxili bazarda mineral gübrəyə əlavə ehtiyac yaranıb.
Bundan əvvəl Veniamin Kondratiyev qeyd edib ki, ammonium nitratın qiymətinin qalxması 2022-ci ilin məhsulunu təhlükə altına qoyur və bu, kənd təsərrüfatı məhsullarının qiymətlərinin artmasına səbəb olacaq.