Həştərxan vilayətinin Çernoyarski rayonunda kartof və taxıl istehsalı üzrə investisiya layihəsinin həyata keçirilməsinə dair sazişi Həştərxan vilayətinin qubernatoru İqor Babuşkin və “Aqro Yar” MMC-nin baş direktoru Anton Mingazov imzalayıblar. Sənəd XXV Sankt-Peterburq Beynəlxalq İqtisadi Forumu çərçivəsində imzalanıb. Bu barədə rayon rəhbərinin mətbuat xidmətindən məlumat verilib.
Layihənin icra müddəti 2022-2027-ci illərdir. Layihə hər il 150 min ton kartof və 50 min ton dənli bitkilərin becərilməsini nəzərdə tutur. 12 min hektara yaxın istifadəsiz kənd təsərrüfatı sahəsi dövriyyəyə buraxılacaq, 135 min ton tutumu olan anbarlar tikiləcək. Ümumi sərmayə 6 milyard rubl təşkil edəcək. 100 yeni iş yeri açılacaq.
Müasir kənd təsərrüfatı texnologiyalarından istifadə edilməklə yüksək məhsuldar kartof və taxıl bitkiləri sortları becəriləcək. Yetişdirilən kartof sonrakı emal üçün ən böyük çips və fast food istehsalçılarına göndəriləcək, həmçinin federal pərakəndə satış şəbəkələrinə çatdırılacaq.